- Igoera txandako izangaiak
Puntu
horren a) atalean, izangaiek bete beharreko baldintzak zehazten dira.
LABetik zera eskatzen dugu: plantilla organikoaren arabera Prebentzio
eta Su-iltzaltze Zerbitzuan ari diren lan kontratu mugagabeko
aldizkako langileak lan kontratudun finkoekin parekatu ditzatela,
baldintzak betetzearen ondorietarako. Eskakizun hori sendotzeko,
Iruñeko Lan Arloko 2. Epaitegiaren 2011ko maiatzaren 20ko epaian
oinarritzen gara, izan ere, epai horren bidez Administrazioaren
menpeko aldizkako lan kontratudun finkoen izaera onartzen zaie
langile horiei. Gainera, gogorarazi beharra dago Langileen Estatutuan
ez dela agertzen kontratu mugagabeko langileen figura: langile
finkoak baizik ez dira aipatzen han. Esan beharra dago, orobat,
Nafarroako Administrazio Publikoen zerbitzuko lan kontratudunen
hitzarmen kolektiboaren indarrez, parekatu egin zirela kontratu
mugagabeko langileen eskubideak eta langile finkoenak.
- Hautapen fasea
Hirugarrena:
izangaiek ariketa psikoteknikoak eta taldekako
elkarrizketak egin beharko dituzte, lanpostuaren ezaugarri
profesiografikoaren eskakizunetara zein neurritan egokitzen diren
zehazteko. Proba horiek Nafarroako Administrazio Publikoaren
Institutuak prestatuko ditu eta haren balorazioak lotesleak izanen
dira epaimahaiarendako.
- Oinarrizko prestakuntza ikastaroa
Prestakuntza
ikastaroa gainditzeak berarekin ekarriko du Larrialdietako eta Babes
Zibileko teknikariaren titulua eskuratzea, Nafarroako Foru
Komunitatean titulu horren egitura eta curriculuma ezartzen dituen
urtarrilaren 21eko 1/2015 Foru Dekretuarekin bat, baita Osasun
Larrialdietako teknikariaren titulua ere, titulu horren egitura eta
curriculuma ezartzen dituen maiatzaren 4ko 43/2009 Foru Dekretuarekin
bat.
III.
ERANSKINA
PROBA
FISIKOAK
Suhiltzaileen
lanbide profila zehazteko erabili izan diren ezaugarri nagusietako
bat gaitasun fisikoa izan ohi da: argi eta garbi dago lanpostu
honetan aritzeko oso gaitasun fisiko ona izan behar dela. Hori hala
izanik, ongi finkatu behar dira eskatzen den sasoi fisikoaren
gutxieneko mugak, eta ongi zeren arabera ezartzen diren parametro
horiek.
Proba
fisikoen helburua da oposiziogileak lanpostuan aritzeko sasoi fisiko
onean dauden ala ez ebaluatzea. Dena dela, deialdian ezarri diren
proba batzuk eta eskatutako gutxieneko puntuazioak ez daude
zehatz-mehatz lotuak lanpostuaren eginkizunetan aritzeko behar den
ahalmenarekin.
Gure
iritziz, ariketa horiek nola planteatzen diren ikusita, izangaiak
baztertzea bilatzen da, eta ez, ordea, egin beharreko lanetarako
behar den gaitasun fisikoa baduten ezagutzea. Izan ere, eskatzen
diren probak eta ezarritako gutxieneko markak ikusita, deialdia
genero-bazterkeriarekin mugetan mugitzen dela esan genezake. LABen
ustez, ezinbestekoa da gai hori zehatz-mehatz aztertzea eta zenbait
aldaketa egitea hurrengo deialdietan (ez dakigu denbora aski dagoen
oraingoan ezer aldatzeko).
No hay comentarios:
Publicar un comentario